Hitzorduak eta bilerak adostu nahi baldin baditugu, tresna ezin hobea duzue Doodle. Ez duzue ezagutzen? Bada erabiltzen oso erraza da eta gainera doan, erregistrorik gabe. Duela gutxi euskarazko bertsioa argitaratu dute eta, web arakatzailea euskaraz konfiguratuta izanez gero, ezer egin gabe agertuko da orria euskaraz. Doodle.com helbidean sartuta ere, orriaren behealdean “Basque” hizkuntza aukeratu beharko da tresnaz euskaraz gozatu nahi baldin bada.
Tresnak duen abantaila nagusia, pauso gutxitan sor daitekeela da, eta edozein hitzordu kudeatzeko jasoko dugun laguntza eraginkorra izango dela.
Nola sortu hitzordu baten programazioa?
- Doodle.com web-orri nagusian, sakatu “Programatu zeregin bat” botoia.
- Hitzorduari izenburua jarri, zein kokalekutan egingo den eta azalpen txiki bat. Jasotzaileek informazio argia izan dezaten, sortzailearen izena sartu beharko duzu, eta jakinarazpenak jaso nahi dituzun e-posta.
- Hitzordurako proposatzen dituzun datak aukeratu beharko duzu.
- Behin datak aukeratuta ordu tarteak aukeratu beharko dituzu.
- Ezarpenetan oinarrizko inkesta sortu ahal izango duzu edo aukerako gehigarriak ere izango dituzu.
- Amaitzeko, partaideei gonbita luzatzeko garaia iritsiko da.
- Esteka bat lor dezakezu, esteka hori bidali eta jasotzaileek ireki ahal izateko.
- Gonbidatuen e-postak idatzi eta Doodle-ek bidaliko die e-posta bat estekarekin.
Sortzaileak izan garenez, momentu oro gure administrazio panela izango dugu hitzorduaren nondik norakoak kudeatzeko eta guztien erantzunak kudeatzeko. Horrela, data eta ordutegi egokiena aukeratu ahal izango duzu.