Facebookek oso ondo desberditzen dituen bezala, guk ere argi izan behar dugu Facebookek negozioentzat orrialdeak dituela, profiletatik at eta hauek ezaugarri bereziak eskaintzen dituztela. Gai honi buruz aurreko batean hitz egin genuen, “Nola egon behar dute Negozioek Facebooken” sarreran. Bertan aipatu bezala, orrialdearen abantailak anitzak dira. Adibidez, “Atsegin dut” botoia sakatzen dutenak jarraitzaileak dira eta guri buruzko berriena euren hasiera orrian jasoko dute, baina euren pribatutasuna errespetatuz. Komunitatea ezagutu ahal izango dugu estatistikei esker, gero komunitatera egokitu ahal izateko. Sustapen kanpainak egin ahal izango ditugu gainera, gure argitalpenen bat edo orria sustatzeko, eta gure argitalpenak planifikatu ahal izango ditugu.
Baina nola kudeatu Facebook orrialdea?
Negozio edo proiektu baten Facebook orrialdea kudeatu behar izatea ez da lan erraza izaten. Denbora eskaini behar diogu tresnari, eta nola ez, estrategia bat garatu egunerokotasunean tresna alde batera ez uzteko. Facebook sare sozialaren orrialdeari beharrezko etekina ateratzen ikasi beharko dugu. Hona hemen hainbat gako:
- Planifikazio bat egin maiztasun bat zehaztuz eta eduki mota ondo aukeratuz eta partekatuz. Beti ere, gure publikoan pentsatzea da garrantzitsuena. Behin planifikazioa garatuta argitaratze tresnak erabili gure sarrerak planifikatzeko.
- Publiko berria lortzeko hainbat aukera ditugu: profilen lagunei gonbita bidaltzeaz gain, publizitatea ere egin daiteke Facebook Ads-ri esker.
- Estatistikak aztertzea oinarrizkoa da publikoa ondo ezagutu eta nahi duten hori eskaintzeko. Datuak aztertzeko orduan irismena eta interakzioa aztertzeaz gain atsegiteen eboluzioa ere aztertu beharko da. Publikoaren ezaugarri nagusiak ezagutu ahal izango ditugu eta gure edukien interesa aztertu.
- Jakinarazpenak eta mezuak ere kudeatu beharko ditugu. Guri buruz sareratzen dutena ikusi eta behar bada honi oihartzuna emango diogu. Mezuak ezin dira erantzun gabe geratu, beti erantzun bat helaraziko dugu, modu egokian eta mezuaren bidaltzailearen bide beran.
Azken finean, Facebook negozio tresna gisa erabiltzea da gakoa.
Facebook orrialdeen inguruan gehiago ikasi eta zure enpresan integratzeko interesa edukiz gero, adi TaPuntuk antolaturiko Facebook ikastaro irekira!
Informazio gehiago: Facebook ikastaroa.