Gure egunerokotasunean bilera asko ditugu eta azkenaldian konturatu naiz denboraren garrantziaz bilera hauek bideratzeko garaian.
Ziur sentipen hau konpartitua dela; eguna bilera batetik bestera pasa eta “ezer ez egitea”-ren sentsazioa.
Honek duen garrantziaz konturatuta, bilera eraginkorrak izateko ideia batzuk ematea gustatuko litzaidake.
Bilera hasi aurretik:
- Helburua
Bilerak helburu zehatz bat izatea eta hau zein den argi izatea. Zergatik egingo da? - Partaideak
Bileran egon beharko duten partaideak zehaztea. Agian beti denok egotea ez da beharrezkoa izango, helburua kontuan izanda beharrezkoak diren partaideak egonda nahikoa izan ohi da askotan. - Gai zerrenda
Bileran jorratuko diren gaien laburpen bat egin, modu ordenatuan, eta gai-zerrenda bat osatu aurrez. Komenigarria da bilera aurretik partaide guztiek gai-zerrenda hau ezagutzea, horrela bakoitzak dokumentua irakurri, eta bilerara kokapen bat izanda bertaratzeko. - Espazioa
Bilera non egingo da? Guztiontzat erosoa eta egokia izan beharko da, eta bilerara joan aurretik agian espazioa gure beharretara egokitzea ere komeni da (mahaiak, pantailak etab.).
Bilera hasieran:
- Puntualtasuna eta dagokion orduan hastea.
- Partaideak ez bagara elkar ezagutzen norberak aurkezpen txiki bat egitea elkar ezagutzeko.
- Denbora neurtzeko boluntario bat ezartzea. Hau bilera gidatzen duenak ere eraman dezake.
- Bileran aipatzen ari garena erregistratzea, akta bat osatuz.
- Gai-zerrendan aldaketa bat egin behar bada edo ordena aldatu, bilera hasiera burutzea.
- Denbora-mugak ezartzea.
- Aurreko bilerarik balego, bertako konpromisoak berrikusi eta errepasatzea.
Bileran:
- Hitz egiteko tarteak errespetatzea.
- Ekarpenak egiterako garaian edo iritziak ematean ahalik eta zehatzenak izatea.
- Pentsaera irekia izatea, besteak entzuteko prest egon.
- Aipatzen ari garena denok ezagutu eta ulertzea, inor galduta sentitu ez dadin.
- Zeharkako elkarrizketak ekiditea.
Bilera amaieran:
- Egiteko zereginak banatu eta konpromisoak hartu. Nork, zer, nola etab.
- Bileraren laburpen bat egin taldean.
- Hurrengo bilera bat egongo balitz eguna eta ordua zehaztu.
- Bileraren ebaluazio bat egin.
- Puntualtasuna. Denboran amaitu bilera.
- Espazioa jaso eta txukun utzi.
Gako hauetaz gain baloratzeko modukoa izango da ere, bilera bat ez bada benetan beharrezkoa edo helburu zehatzik ez duela ikusten badugu, bilera ez egitea.