Blogs

Pinterest sare soziala

Pinterest, interesgarriak diren irudiak partekatu eta biltzeko sare soziala

Informazioa modu bisualean partekatzeko eta sailkatzeko erabiltzen da Pinterest. 2010. urtean sortu zen sare sozial honek bi ezaugarri berezi ditu. Alde batetik, irudi edo bideo ikusgarriak partekatzeko aukera ematen digu, bai gure web-orritik baita gure ordenagailutik ere. Bestalde, gure irudiak eta beste erabiltzaileenak sailkatzeko aukera izango dugu sare honetan, interesatzen zaigun informazio bisuala antolatzeko gunea sortuz. Beraz, Instagram bezala irudien sare soziala dela esan dezakegu, baina bere berezitasunekin. Ez da egunero erabiltzen den sare sozial bat, normalean asteburuetan gehiago kontsultatzen den irudien bilgunea da. Gaurko sarreran Pinterest gehiago ezagutzeaz gain, bere ezaugarriei buruz hitz egingo dugu.

Pin-a

Pin bat Pinterest-era igo daitekeen irudi edo bideoak dira. Webgunearen URL zehatza sartuz, ordenagailutik igoz edo “Pin it” botoia sakatuz sartu ahal izango dituzu pin-ak zure kontuan.

Sortak (Boards)

Pin-en biltegiak sortak dira. Pin-ak antolatzeko sortak sortu behar dira, eta sorta sortzerakoan izena eta deskribapena batekin sortuko dira. Bi motatako sortak daude:

  1. Sorta arrunta
    • Sortari izena jarri eta hortik aurrera pin bat igotzean sorta batean sailkatu ahal izango duzu. Gainontzeko erabiltzaileek sorta jarraitu dezakete, erabiltzailearen pin guztiak jarraitu beharrean.
  2. Sorta sekretua
    • Soilik zuk ikusiko dituzu bertan sartzen dituzun pinak.

Pin it botoia

Sare sozialean kontu bat sortzen degunean, gure nabigatzailean “Pin it” botoia instalatzeko aukera eskaintzen digu. Botoia instalatuz gero, sarean nabigatzean ari zarenean, edozein webguneetako irudi jaso eta zure Pinterest kontura eraman ahal izango duzu.

Irudiek beti dute esteka berarekin bat, modu honetan argi geratuko da nondik jaso dugun eta erabiltzaileak bertara bide zuzena izango du.

Negozioentzat

Beste hainbat sare sozial bezala, Pintereseten enpresa kontua sor daiteke ere. Modu honetan estatistikak izateaz gain, abantaila gehiago izango ditugu:

  • Irudiek prezio bat izan dezakete. Modu honetan, erabiltzaileak produktua ezagutzeaz gain bere prezioa ezagutu ahal izango du. Era berean, online salmenta burutu daiteke.
  • Irudiek esteka dutenez, zure webgunera trafikoa areagotuko duzu.
  • SEO posizionamenduari dagokionez, plataformak gure irudiak hobeto posizionatzen lagunduko digu.

Gure kasuan, TaPuntun, astero egiten ditugun esaldiak eta infografiak bertan sailkatzeko erabiltzen dugu. Euskaraz horrelako eduki gutxi sortzen zela ikusi genuen, eta egiten dugun lana partekagarria zela pentsatu genuenez, Pinterest kontua sortzea erabaki genuen orain dela hilabete gutxi. Jarraiguzu!

Sartu, saltseatu, eta ziur aurkituko duzula zer jarraitu Pinteresten!

Partekatu: