Zure proiektua digitalizatzeko laguntza eskaintzen dizu Kit Digitalak
Azken hilabeteetan gure bezeroek egin diguten galdera batekin nator gaurkoan. Zehazki Kit Digitaleko programaren inguruan galdezka gerturatu izan dira guregana.
Labur esanda, espainiar estatuak enpresa txiki, ertain zein autonomoei beraien enpresaren digitalizazioa hobetzeko eskaintzen dien laguntza da Kit Digitala.
Laguntza horren bidez, hainbat irtenbide edo soluzio gara ditzake baldintzak betetzen dituen interesdunak. Horien artean, web diseinu eta garapena, online denda, sare sozialen kudeaketa, faktura elektronikoa…
Irtenbide digital horiek garatzeko, gaian adituak diren enpresa batzuk kontrata daitezke, enpresa horien zerbitzuak gobernuak indarrean dituen bonoen bidez finantzatu daitezkeelarik (BEZa ez dago dirulaguntzaren barne eta bezeroak ordaindu beharko luke). Enpresa horiek derrigorrez baldintza batzuk bete behar dituzte eta “Agente Digitalizador” gisa erregistratuta egon behar dute. TaPuntu da horietako bat adibidez.
Laguntzaren kopuruari dagokionez, bono horien zenbatekoa eta aplikagarritasuna eskatzailearen ezaugarrien araberakoa izango da. Esteka honetan segmentu ezberdinen inguruko ezaugarriak eta bonoen kopuruak ageri dira.
Zer egin behar da Kit Digitala lortzeko?
- Enpresaren ezaugarrien arabera, zein segmentutan kokatzen garen argitzea.
- Behin gure segmentua zein den ezagututa, irtenbide digital bakoitza garatzeko gehienez lor genezakeen diru kopurua zein den begiratzea.
- Interesa edukiz gero, bonoaren eskaera egin beharko genuke. Bonoaren eskaera egiteko gure enpresaren digitalizazio maila neurtzeko galdetegi bat bete beharko dugu.
- Behin bonoa eskatuta, gobernuaren erantzunaren zain geldituko ginateke (baliteke azkar erantzutea edo hilabete batzuk itxaron behar izatea).
- Erantzuna jasotzean eta bonoa onartu digutela jakinda, lanak garatuko dituen “Agente digitalizador”-arekin harremanetan jarri beharko ginateke, lanak aurrera eraman ahal izateko ohiko kontratazio batean egingo genukeen moduan.
- Behin lanak abiatuta, eta gauzak egoki egin direla baieztatzeko, bi zuriketa egin beharko dira, baina horren kudeaketa lan handiena “Agente Digitalizador”-aren esku geldituko da. Hori bai, interesdunak ere errebisatu eta berretsi beharko du egindako lana.
Programaren inguruko informazio guztia webgune honetan topa dezakezu.
Dena den, zalantza edo galderaren bat izanez gero, jarri gure lantaldearekin harremanetan, “Agente Digitalizador” izanda, behar duzun hori argitzeko eta garatzeko prest egongo gara eta.