Marketin digitala, diseinu grafikoa, multimedia, ofimatika eta gaitasun pertsonalen inguruko formazioak eskaintzen ditugu TaPuntun.
Talde txikitan, modu teoriko-praktikoan eta giro onean honako ezagutzak barneratu nahi badituzu, zatoz!
Podkast bat sortzeko beharrezkoak izango diren pauso eta baliabideak ikasiko ditugu. Ideiatik hasita produktu finalera iritsiko gara. Podkasta gure publikora gerturatzeko sareratze estrategiarekin bukatuko dugu ikastaroa.
Gaur egun sare sozialetan arrakasta eta oihartzun gehien duten bideoak aztertu eta sortzen ikasiko dugu. Bideoen joerak, teknika berritzaileak eta bideo biralen ezaugarriak ikusiko ditugu. Era berean, bideo horiek sortu ahal izateko teknikak ikasiko ditugu.
Ikastaro honi esker Canva tresna ezagutu eta berarekin praktikatu ahal izango duzu. Doako tresna honekin edozein euskarri eta eduki digital nahiz fisiko diseinatu eta sortu ahal izango dituzu. Era berean, zure iruditeriarekin txantiloiak sortzen erakutsiko dizugu.
Zure mugikorrarekin egiten dituzun argazkiei etekin handiagoa atera nahi badiezu, hau da zure ikastaroa. Ikasi mugikorraren kamerari ahalik eta funtzionalitate handiena ateratzen. Lortu argazki profesionalagoak zure sakelekoarekin. Argazkiak ateratzeaz gain, edizioarekin argazkiak hobetzen ikasiko duzu.
Zerrenda luzeak bildu eta kudeatzeko tresna ederra da Excel. Zerrenda horien kudeaketan Taula Dinamikoen aukera ezagutu eta iragazkiak egiten ikasiko dugu. Zure datuen kontrola hartzeko ikastaro paregabea!
Egun Instagram sare sozialen artean arrakasta eta oihartzun handiena duenetakoa dugu. Teknikoki, zure lehen Reel-a sortu eta erakunde nahiz norbanako gisa zein eduki landu ditzakezun erabakitzeko, eman izena hurrengo ikastaro irekian.
Lan-eginkizunak era antolatuan egin eta denbora eraginkortasunez kudeatzeko gakoak eta tresna baliagarriak menperatzea garrantzitsua da gaur egun aurrera eraman behar ditugun lan funtzio anitzak kontutan hartuta.
Zure argitalpenak eta istorioak Facebook eta Instagram sareetara tresna bakarretik bidaltzeaz gain, horiek programatu ahal izango dituzu edukien egutegia modu eraginkorrean gauzatzeko. Atera etekina tresna honi!
Geroz eta ohikoagoa da enpresek WhatsApp tresna erabiltzea beraien bezero, hornitzaile edo bestelakoekin komunikatzeko. Kasu horretan, WhatsApp Business doako tresna erabiltzea hobe. Tresna horren bertsioak eskaintzen dituen abantailak ezagutu eta, enpresa gisa, horiek erabiltzeko gakoak ikasiko dituzu ikastaro honetan.
Eduki erakargarriak sortzea da sare sozialetan irismena eta interakzioa handitzeko bidea. Zure edukia erakargarriago egiteko hainbat aplikazio ezagutzeaz gain, tresna horiek erabiltzen ikasiko duzu ikastaro praktiko honetan.
Zure mugikorrarekin ateratzen dituzun argazkien edizioa SnapSeed tresnarekin egin dezakezu. Aplikazio horren erabilera egokiak, zure arlo profesional nahiz pertsonalean erabiltzen dituzun argazkien kalitatea hobetzea ahalbideratuko dizu.
Gure egunerokotasunean komunikazioak uste baino pisu handiagoa du. Dena den, oso ohikoa izaten da pertsonen artean modu ez eraginkor eta agresibo batean komunikatzea, horrek sortzen dituen ondorio negatibo guztiekin. Horren inguruan hausnartu eta komunikazio estilo asertibo bat lortzeko gakoak ikasi nahi badituzu, eman izena ikastaro ireki honetan.