2017/05/12

KOMUNIKAZIOA

Gure esperientzian oinarrituz, proiektu bat martxan jartzerako orduan, komunikazio alorra azkenerako uztearen joera oso zabaldua dagoela argi adierazi dezakegu.

Proiektuaren helburu, ezaugarri eta aurrekontua aztertu ondoren, komunikazio alderdian pentsatzen hasten gara orokorrean.

Zenbait kasutan horrek arazorik eragiten ez badu ere, izugarrizko akatsa dela defendatzera gatoz gaurkoan.

Akats nagusiena, proiektua nori zuzendu beharko geniokeen pentsatu eta horren arabera komunikazio tresna egokienak aukeratu ordez, proiektuaren sustatzaileentzako eroso eta egokienak (bai kudeaketa zein prezio aldetik) direnak aukeratu izan ohi direla, korrika eta presaka.

Akats hori edo antzekoak ekiditen laguntzeko, hementxe proiektuaren oinarriak diseinatzeko orduan, komunikaziori dagokionez, gure buruari egin beharreko bost oinarrizko galdera:
  1. Lehenik eta behin, proiektuaren komunikazio helburuak zeintzuk diren pentsatu beharko genuke. “Zertarako komunikatu?” galderari erantzun beharko genioke.
  2. Publikoa ezagutu: zein da proiektuaren publiko objektiboa? Nori zuzendu beharko ginatekeen pentsatu beharko dugu. Hartzaile mota bakarra dugu edo hainbat taldetan sailka daitezke? Nolakoak dira? Zein komunikazio tresna erabiltzen dituzte? (sare sozialak, telebista, irratia?…)
  3. Zein mezu helarazi nahi diogu publiko objektiboari? nola idatzi? gertutasunez, ofizialtasuna eta distantzia bat errespetatuz?
  4. Zein hizkuntzatan? Aurrez komunikazio kanal bakoitzean erabiliko dugun edo ditugun hizkuntzak argitzeak berebiziko garrantzia du etorkizuneko arazoak ekiditeko.
  5. Zein da gure aurrekontua? Etorkizunean proiektuaren komunikazio tresnak kudeatzeko zein giza baliabide ditugu?

Galdera hauek erantzuten errazak badira ere, askotan ez ditugu kontutan izaten, inongo zentzurik gabeko komunikazio erabakiak azkar batean hartuz. Hori dela eta, proiektu baten porrota eragitera iritsi gaitezke, nahiz eta oinarrian oso helburu edo ideia berritzaileak izan.

Beraz, zin egin mesedez, hurrengo proiektu, programa edo egitasmoa martxan jartzerako orduan, komunikazio alderdia jorratuko duzula oinarrian. Ziur gaude emaitzetan aldea nabarituko dezuela!